-انا ابقي مرات جوزك يا حبيبتي …
حسيت الدنيا لفت بيا …جسمي اترعش ومسكت الترابيزة وانا حاسه نفسي هقع …لا اكيد ده هزار …بصيت لمراد وقولت :
-اتكلم يا مراد قول حاجة قول أنها كدا*بة وانها مش مراتك …
بصلي مراد بتوتر وسكت
ضحكت البنت وقالت:
-هيقول ايه يا حبيبتي …
وبعدين طلعت ورقة من شنطتها وقالت بشماتة:
-اتفضلي ورقة جوازنا اهي …جواز شرعي رسمي علي سنة الله ورسوله …هو قالي أنه هيقولك علي جوازنا قريب بس كل شوية يأجل
لحد ما انا زهقت وقررت انورك وكمان عشان اعيش هنا معاكم بدل ما أنا عايشة في شقة ايجار ومش قادر يوفرلي شقة جديدة زيك !
كنت حاسة نفسي في كابوس…قربت من مراد وانا بصر*خ وقولت: