– انا اسف يا شهد …اسف علي كلامي الوحش …اسف علي قسوتي عليكي …انتي ملكيش ذنب ان امك اتجوزت ابويا …صحيح انا بحقد عليها وبحقد علي بابا لانه سابنا بس الماضي انتهي خلاص وانا اوعدك من اليوم ورايح اعاملك كويس ..
ابتسمت وهي بتمسح دموعها …بصيت لقيت صورة جمبها …مسكت الصورة بسرعة وانا بقول :
-صورة مامتك دي
-امير لا ..متبصش
بس انا بصيت علي الصورة ولقيتها صورته عملت نفسي مصدوم وبعدين ابتسمت وانا ببصلها وقولت بخبث :
-صورتي بتعمل ايه عندك .
– انا …انا
قربت منها
-ابيه انت بتعمل ايه …
-ششش متقوليش ابيه تاني ..
-اومال اقول ايه
-قولي انك بتحبيني