رعد قال مش نازل
قلتله هتنزل لان عاتكه بتأمرك تنزل
قال رعد عاتكه ولا انتى؟
قلتله عاتكه انا مالى تنزل ولا متنزلش؟
نزل رعد وسمعت صياح البنات، واحده كانت بتقول رعد ولد عمى هيلعب
بصيت على البنت على غير توقعى كانت جميله، مش سمره ولا حاجه
حتى قسمات وشها كانت جذابه
وجه نضر، عفى، نقى، غير مغطى بالمساحيق وطلتها اخاذه كان عنيها بتتكلم لوحدها
قلت فى نفسى يارب يخسر
كان فيه تصفيق حاد وكان واضح ان رعد بيصد ضربات الشاب المتمرس على التحطيب إلى مش مديه فرصه، لكن رعد قوته كانت مساعداه يرد الضربات ولو على استحياء، البنت جنبى كانت عماله تشجع رعد، ولد عمى، ولد عمى، حسيت بالغيره رغم انه مش حقى