-لا يا حبيبتي …اتكلمي عدل معايا أنا مش عب*يطة زي اللي ما تتسمي أمنية واخد جمب واقعد اعيط …ده انا ام الواد دلوقتي …يعني امسح بكرا*متك انتي وابنك الأرض ..فأهدي كده يا حلوة بدل ما اخد ابني واخليكي تبوسي رجلي عشان تشوفيه …
وبعدين منال اخدت ابنها من حماتها بالعافية وطلعت علي شقتها وسط ذهول الكل …محدش كان مصدق ان دي منال الطيبة اللي فضلوها علي أمنية …
….
مر يومين ..
ام عز كانت طالعة السلالم للسطح عشان تنشر …كانت بتنهت وعيونها مدمعة وهي بتفتكر أمنية اللي كانت بتساعدها وبتعاملها كأنها
امها بس هي مقدرتش النعمة فربنا عاقبها بمنال اللي مطلعة عينيها …طلعت اخيرا ولسه هتدخل السطح سمعت صوت حد بيضحك …سابت سبت الغسيل وراحت ببطء تشوف مين ده واتصدمت لما لقيت منال بتتكلم في التليفون وبتتفق مع واحد أنها تقابله في
بيته !!
-اه يا مق*صوفة الرقبة !
صرخت ام عز وهي بتمسك منال من شعرها وقالت:
-وديني هوريكي يا خا*ينة يا رخي*صة …هخلي ابني يقت*لك …