أمر إن جوازنا لازم يتم
مريم بحزن عليها: يا حبيبتى متزعليش نفسك إن شاء الله هيحبك وبكره تقولى مريم قالت؛ كفايه بس قلبك الطيب يا هاجر
هاجر بحزن: إن شاء الله
___عودة ___
هاجر: عمر عمممر
عمر: اييه بتنادى على حد فى الشارع
هاجر: ما بكلمك وأنت سرحان؛ فيه حاجه
عمر: هاجر أنتى مش زعلانه من الكلام اللى قولته ليكي
هاجر: وهزعل ليه يعنى مش دى الحقيقة؛ يلا بقى هقوم أغير الفستان ده وآجى آكل أصل مأكلتش من الصبح؛ مش عارفه فرح ايه ده
اللى جاى عليا بخسارة
بصيتلها بصدمة للمرة الألف ايه البت اللى هتجننى دى المفروض تكون زعلانه مضايقة أو أى حاجه لا دى بتقهرنى أنا؛ أنا عايزها تفوق من الوهم ده وتعرف إنى مستحيل أحبها ونعيش زى أى اتنين متجوزين علشان كده بعاملها بالطريقة دى