عيسي : انا مش بفكر في حاجه زي دي
سراج بصرامة: انا مش عايز اسمع اعذار انا جبتك هنا عشان اوضحلك انه عجبني شغلك كحارس خاص ليا فمتحاولش ترفع مكانتك (بنظرات احتقار) انا مش هخالي حته حارس يبقي جوز بنتي .. بنتي تستاهل شريك حياه شاب مناسب ويبقي من نفس مستواها
ويكون افضل منك
عيسي رسم على شفايفه ابتسامة خبيثة : عندك حق انا هنفذ اوامرك بحذافيرها
لوسين دخلت بفرحه راحت ضمته: بابي انا رايحه اصور كذا موقع كدعايه للتصاميم وهاخد عيسي يبقي معايا
سراج: عيسي مشغول اليوم وعنده مهمه هيقوم بيها خدي نجوان وامل يساعدوكي وهبعت شخص اثق فيه يحرسك يله روحي استعدي
لوسين هزت دماغها بحزن وقالت: اوكيه
عيسي انتظر لما خرجت وقاله: مطلوب مني ايه اعمله
سراج بصله بنظرة نارية : تلم هدومك وتخرج من البيت وانا هتولي امر مصاريفك شغلك كحارس خاص وقصاده مرتبك