سماح: نفس ما بيقولي عيسي بالظبط كل مره ياكل من ايدي يقولي انتي لازم تفتحتي مطعم ودايما بيشجعني انفذ الفكره
لوسين رفعت عيونها وبصتلها ونار الغيره بتحرقها ورجعت بعدت عيونها عنها وكاتمه انفعالها عليها بالعافيه
سماح: دوقي الفراخ بالبطاطس دي بيحبها عيسي اوي
لوسين داقت بالشوكه: اممم تحفه ومش متفاجئه انه بيحبها عيسي
سماح: لو عرف عيسي اني عامله صنيه بطاطس هيسيب الشغل ويجري ياكل منها
لوسين هزت لها دماغها وعايزه تقولها كفايه ذكر اسمه قدامي لانه يخصني انا
سماح لاحظت وشها اللي اتغير وقامت : معلش نسيت اجبلك ميه لحظه واحده
لوسين مسحت ايدها لما شافت صوره عيسي مع سماح قامت وراحت وقفت قدامها والغيره مشعلله