عيسي حس بطعم الدم ولفله بوشه: انا هنا بشتغل مع سراج الدين
حميده ضربه لكمه اقوي: مش مصدقك الي زيك ميشتغلش الشغل ده
عيسي تفل الدم اللي طلع من بؤه وهو بيمسحه بكف ايده
حميده اتغاظ لبروده وشده من البدله بأهانه: انطق ليه جيت هنا؟!ولا بتحاول تعدي فوقي انت جاي تنتقم مني لاني ضربت حسن
انطق وقول انت هنا ليه
عيسي واقف بنفس الثبات والبرود
حميده زاد غضبه وخلت شياطينه تنط قدامه هزه بقوه: يعني مش هتقولي
التهامي دخل وبأمر: حميده كفايه
حميده اتغاظ وزق عيسي لوري
التهامي قرب منه وسأله: انت جاسوس للبوليس
عيسي واقف ساكت والتهامي عمر المسدس