موجود امشي
عيسي عيونه احمرت ورغرغرت بالدموع وقرب واخده رفعه غصب عنه ووصله ودخله المدخل وحسن نزل قاعد عالارض وضهره ع الحيط وساند دماغه ع الجدار وعيسي وقف وري السور لحد ما شاف صباح طلعت واخدته وهي بتسأله اتخانق مع مين نزلت الدموع
من عيون عيسي ولف ومشي من المكان
عمار دخل قعد خلف خلاف للكرسي: اباه ايه الي بيحصل في بيت عمتي ليه حسن غضبان من عيسي كدا
علاء: ده متعصب جدا وقال لو عيسي مات مش هيمشي في جنازته
عمار طقطق بصوابعه ع التربيزه: ايه الموضوع يباه
ابراهيم بياكل وعيونه في الاطباق: معرفش
علاء شد من قدامه طبق: لازم تعرف انت عيسي بيتكلم معاك لانه بيثق فيك ولما روحنا لعم خليل انت اختفيت فجأه مع عيسي
عمار اتنهد بغيظ: وامبارح كنت بتتكلم مع عيسي قدام الجامع
ابراهيم شد الطبق: بصوا انا كنت بصلي معاه عادي