صباح رفعت غطاء الحله هتغرف حسن اخد منها المغرفه وقالها: انا هغرف اقعدي انتي
صباح بصت لعيسي الي مبتسم ومندهش للتغير المفاجئ ومساعد متنح للي بيحصل
بعد الاكل حسن لم الاطباق يغسلها في الحوض
عيسي وقف جنبه مبتسم: اظن فيه اسباب كتير للتغير ممكن تفوق عشان نفسك او احيانا تلهمك البت الي بتحبها
حسن: لاء انت غلطان انا متغيرتش كل الموضوع اني معنديش مذاكره فقلت اساعد ولا مش عجبك
عيسي بفرحه صادقه: لاء طبعا انا عجبني ونص وسعيد كمان وامي مبسوطه واتمني تفضل كدا دايما
حسن بتكشيره: طب ممكن تساعدني بدل ما تتكلم
عيسي ابتسم و قال بهدوء : تاني حاجه استمر وحارب وابقي دكتور ناجح
حسن بغرور: والدكتور لازم يكون مع انسه لوسين متنساش وعدك
عيسي ابتسامته اختفت واخد الاطباق رصها في المطبقيه