صباح انخلع قلبها لكلامه وعيسي لف وشه لبعيد عنه
صباح : عيسي لو شوفتها وصلها سلامي هي ظريفه وبريئه وبجد عجبتني وحبتها
عيسي اكتفي ببتسامه : حاضر يا امي
مساعد حب يغيظه: وعجبتني انا كمان لدرجه نفسي تبقي مرات ابني هي عاجبه حسن وانت لازم تساعده يوصلها
عيسي كشر بيطلب منه يساعد اخوه ياخد حبيبته منه!!!
مساعد: ليه عملت وشك كدا مش عايز تساعد اخوك ولا ايه
عيسي بهدوء: انا مابشوفهاش كتير احنا مش بنشتغل مع بعض
مساعد بحده: ياسلام معكش رقمها صفحتها ولا انت معجب بيها (ضغط ع اسنانه وبتهديد صريح) لو كنت معجب بيها انا هقتلك
عيسي حب يغير الحوار ليبان عليه وينفعل في وشه ويعترف بحبها قال بصوته الهادئ: امي حسن وصل من المدرسه
صباح حطت ايدها تحت خدها: عنده درس بعد المدرسه
عيسي قام : هقوم اصلي الضهر وهنزل اساعدك في الاكل