رغدة ، اختى الصغيرة … ، أول ما شافتنى … عيطت ، فضلت تملس على وشى بصوابعها .. وهى بتقول : بتوجعك ؟
هزيت راسى بحزن وأنا مستنية اشوف هتعمل إية .. ، لقيتها دخلت جابت عصير بتاعها من جوا …وقالتلى : إشربية يا ريم ..
ريم بقلق : مش كنتى بتتخانقى مع أى حد ياخد حاجتك ؟!
رغدة : أنا بحب حاجتى آه .. بس بحبك اكتر ..
حضنتها .. وأنا بعيط ، ماما قالتلى : إشربية يا بنتى على ما حضر الأكل .. اتغذى علشان بنتك
خدتة ، ودخلت جوا علشان أغير هدومى .. و أنيم حبيبة على السرير ..
بدأت اطلع حاجتى من الشنطة .. ، لفت نظرى جاكيت بدلة
بتاعة عيسى ، خبطت بكفى على اورتى من غبائى .. كنت بعيط ومشوفتهاش وسط الهدوم ..