صحيت على صوت زعيق .. كان عيسى بيكلم بحدة : طلاق مش مطلق . . هما الاتنين هيفضلوا على زمتى
حمايا بعصبية : أنت ليك عين تتكلم بعد العملة الهباب الى عملتها ؟! .. انت مبتحسش ؟!
هنا حماتى قالت : ما تهدى يا حج الله .. هو الواد عمل حاجة حرام ولا غلط ، الواد راح اتجوز على سنة الله و رسولة .. وبعدين إبنى جدع و يقدر يفتح بيتين وتلاتة حمايا : مش القصد يا أم عيسى .. ، متبقاش البت مستحملة بعدة سنة و قاعدة بحبيبة بطولها و فى الاخر
البية يبقى بيقضى شهر العسل هناك !
حماتى بكيد : هى هتقدر تعمل إية يعنى ؟! .. اعلى ما فخيلها تركبة .. ، أنا إبنى حر يعمل الى هو عايزة !
عيسى : ايوة يا بابا أنا حر .. وبعدين براحة على جاكلين شوية ، دانت مرحبتش بيها حتى لما شوفتها .. دى طرية متستحملش ، مش زى الى نايمة جوا !