لتنهض من مكانها وهي تتحدث إليهم قائلة : انا هروح اجهز السفرة ، لتتحرك تاركة إياهم مُتجهة إلي المطبخ لتتبعها ” حبيبة ” إلي المطبخ أيضا.
// كانت تقف في المطبخ وهي تحاول سكب الطعام في الأطباق لتجد حبيبة بجانبها وهي تحاول مساعدتها .
_ فوفو، انا اسفة ” اردفت حبيبة ”
= علي اي يا بنتي
_ يعني علي تصرفات وكلام تغريد ، انتِ عارفة اصلوا جَوازها بيمر بمشاكل كتير فكنت فاكرة لو عزمتها علي العشا وجات وقعدت معانا هتتلهي شوية عن أحزانها بس طلع تفكيري غلط
– لتترك فَلك ما بيدها وتربت علي كتف ” حبيبة ” : ولا يهمك انا فاهمة انتِ عملتي ليه كدة ، تعرفي انا زعلانة عليها اصلا
_ وانا كمان والله .
= طب بقولك اي يلا نحط الاكل عشان اتأخرنا عليهم .
– ليبدأ كلاً من فَلك و حبيبة في وضع اطباق اصناف الاكل فوق السفرة في الصالون ، ويبدأوا الجميع في الأكل .
_ بجد تسلم ايدك يا فَلك ” اردف عمرو ”
= والله بجد عنده حق يا فَلك انتِ اكلك لذيذ بشكل بس خلي بالك هتجبيلي المشاكل معاه بعد كدة لأني مبعرفش اطبخ زيك كده ” اردفت جنة بنبرة مرحة “
_ بس بس كفاية مُجاملات هتغر كدة علي فكرة ” اردفت بإبتسامة واسعه تعبر عن سعادتها ”