بس أيه رأيك…صايع انا برضه هه..
قولتله بلماضه:_ لا مش صايع، انت سوسه.
ضحك وقالي:_ بقا كدا!
“_أيوا.
سمعنا صوت موبايله بيرن، مسك الموبايل ورد وقال:_
ايه يا روحي.
بصتله عشان أفهم بيكلم مين؟!
قال في التليفون:_
خلاص هجيلك ونتقابل بليل الساعه ٩.
حسيت بغيظ.. بس فضلت ماسكه نفسي لحد ما سمعته بيقولها:_
هبقى أخد بوسه.
قومت بعصبيه وشديت من الموبايل وحطيته علىٰ ودني بس مسمعتش حاجه..
بصيت عليه لاقيته بيضحك بهيستيريه….كان بيضحك عليا عشان يشوف هعمل ايه؟
قولتله بغيظ:_ في حد كان بيرن عليك دلوقتي..
قالي وسط الضحك:_
قفلت عليه وعملت اني بكلم واحده…بس انتي…(ورجع يضحك)