منال : جدتك والده ابوك كلمتني ياسليم وكانت بتسأل عليكم
مريم : تيتا وحشتني اوي
منال : فرح ابن عمك الاسبوع الجاي جهزوا نفسكم عشان هنسافر بعد يومين
سليم : تمام هخلص شغلي ونسافر
منال : تمام
حور كانت حاسه بوجع في بطنها ودايخة ومش مركزه معاهم
سليم ربت علي ايديها : حور بكلمك
حور بانتباه : اسفة شردت شوية
سليم بقلق : مالك يا حبيبتي
حور : انا كويسة يا حبيبي متقلقش
سليم : طيب خلي بالك من نفسك ولو حسيتي بحاجة كلميني علطول
حور بأبتسامه : حاضر
في الشركة عند سليم
دخل محمد مكتب سليم : صباح الخير
سليم بأبتسامة عريضة : صباح النور
محمد بمرح : ايوه ياعم مراتك مدلعاك وشكلك رايق
سليم : بطل قرك انت بس