اصحابي شعرك مدلدل للارض عامل زي شلال دهب انت تاخدي العين.
لتهتف حوريه… ليه مانت قمر وشعرك قمرين اسود ولون الليل وعيونك زرقا حاجه كده مالهاش حل..
لتضحك… اه وبتقلب لون القطط لما بهجم علي حد احنا عيله معاقه واحده نازله من الكرتون والتانيه نازله من روايه رعب بعينها دي.
لتضحك حوريه… رعب ايه بس بس دانت عيونك تهبل كان نفسي عيوني تبقي زيك.
لتضحك لؤلؤ… يا طماعه هتاخدي كل حاجه عارفه يا بت يا حوريه نفسي اعملك سيشن كده قمر زيك انا اشتريت كاميرا نفسسي اخدك في مكان فيه خضره وزرع واعملك سيشن واقف كده جنبك ياختاااي دانا هسيح واسخسخ انا قلبي عالواد اللي هيقع فيكي
ويحبك خايفه عليه من جمالك يا بت انت بتسحري.. عارفه يا حوريه بقعد ابصلك واسرح في اللي هيتجوزك هيفرح بيكي فرح واد ايه هيخش الجنه يلاقي حوريه وقفاله كامله مكمله. طيبه وحنينه وتاخذي القلب.