_ لو سمحت يا حاج هو حضرتك فاتح هنا من زمان
_ ايوة يابنتي من عشر سنين..
_طيب كان في حادثه هنا من سنتين كانت حادثه كبيرة مش فاكر ايه الي حصل بظبط…
_ فاكر طبعا يابنتي دي كانت حادثه كبيرة اوي وكل الي فيها ماتو…
_ لا يا حاج انا كنت فيها ومامتش كنت في غيبوبه..
_ ازاي يعني دا كل الناس الي جم هنا قالو ان كل الناس ماتت محدش فيهم عاش خالص ولا حتي غيبوبه حتي الظابط الي جه يحقق هنا بلغنا ان كل الي هنا ماتو…
_ طيب متعرفش حاجه عن الي عملو الحادثه. .
_ لا يابنتي وانا هعرف منين بس انا راجل علي قد حالي مبدخلش في كلام ميخصنيش…
فضلت ماشيه من غير فايدة والدنيا ضلمت عليا والطريق الدائري فالوقت دا مش بيبقي أمان هروح فين انا دلوقتي
افتكرت رقم سالي الي معايا مانا معرفش حد غيرها..
طلبت من واحد تليفون عشان اتصل بيها..
_ الو ايوة يا سالي انا الي قابلتك فالمستشفي وخدت رقمك..