المنطقة كلها ضلمة كحل ، متشوفش كف ايدك ، بس فيه نور جاي من شقتي ، تحديدا من أوضة حماتي ..
مش نور شمعة دا ولا نور فلاش ، دي إضاءة عالية جدا ..
طلعت فوق اشوف ايه اللي بيحصل ..
قربت من أوضة حماتي ، سمعت صوت تلفزيون شغال جوا ، مش فاهم ازاي ..
كل دا حصل ومراتي نايمة ، ولما صحيت محكيتلهاش اي حاجة منه لأني مش مستعد اسمع تفسيراتها الجميلة خااالص ..
في خامس يوم ليها في البيت وتحديدا الساعة 2 بالليل الكهربا قطعت عن المنطقة كلها للمرة التانية وفضلت اوضتها بس هي اللي
منورة ، كنت واقف في المطبخ بعمل شاي ومراتي نايمة كالعادة ..
والسكر كان خلصان ، قعدت ادور في المطبخ عن كيس سكر ملقيتش ..