علاقتنا تستاهل فرصة يا غزال… تستاهل فرص كتير اوي علشان أنا مش هطلقك مهما قلتي او عملتي
هتفضلي على ذمتي لحد ما ربنا يأذن و ياخد الأمانة
غزال مسحت دموعها :
-قبل أي حاجة لازم تفهمني كل اللي حصل و الأرض اللي انتم قلتوا أنها ورثي من امي دي بتاع مين
و تحكي لي كل اللي مخبينه عني…
شهاب :
-صدقيني مش مهم…. مش مهم يا غزال
المهم بالنسبة ليا أنك تكوني واثقة ان دا بيتك و ان عيلتك بتحبك بجد… و أن الأرض دي بأسمك و أنك فرد من أفراد
العيلة و وجودك هنا مش تطفل على حد
لا دا حقك….
غزال سكتت للحظات و اتكلمت بدهشة و صدمة و هي حاسة ان كلهم كانوا بيكدبوا عليها