قعدت اذاكر بالكتب و احاول افهم على قد ما اقدر و كل شوية كنت اقوم اطمن على قمر ، و اكلتها و نيمتها و بعدين رجعت اذاكر تاني
حسيت اني مبسوطة بالمذاكرة و فرحت بوجود قمر على السرير جنبي كنت كل ما اوقف مذاكرة ابص ليها ملامحها
بريئة اوي ، نايمة زي الملايكة
تلفوني رن ، قومت مسكته و فتحت الخط
قولت : الو
المتصل : ايه مش فاكراني
قولت باستغراب : مين حضرتك
المتصل : انا هبة يا ندى
قولت ببرود : عايزة ايه ، بتتصلي ليه ها ، مش خر.بتي بيتي ، روحي بقا دوري على بيت تاني تخربي و فكك مني
هبة : الكلام ده مش مهم حاليا ، المهم اني عايزة اعز.يكي بمو.ت بنتك و كمان بطلاقك
قولت بتريقة : سعيكم مشكور يا عنيا ، واه كمان عايزة اباركلك بطلاقك ، ان شاء الله اخر الافراح عليكي