مؤمن : اختك اتخطف|ت ، طب وجايلى انا ليه ، ماتروح تدور عليها
تميم : هترجع بس ساعتها هتندم انت واللى مشغلك
مؤمن ابتسم بسخافه : ربنا معاك
سابه تميم وخرج
مؤمن عمل اتصال : ايوة يا باشا ، صاحبك استوى ع الآخر
ايوة جى هنا وهددنى
تمام ياباشا
أوامرك
تميم فى التلفون
عملت ايه
وليد : كل حاجه بقت تحت أيدى ، اللى اسمه مؤمن ده لسه مكلم اللى اسمه منصور وبيقوله انك كنت عنده
تميم : مفيش حاجه عن العمليه الجديده
وليد : فى واحد اتصل بيه وقاله إن هيكلمه الساعه ٨ بليل ويتفق على كل حاجه
تميم : تبلغنى اول باول
وليد : متقلقش ، كله هيبقى عندك
قفل تميم وهو بيخطط هيعمل ايه
فى مكان تانى
يوسف راح عند جميله
دخل ليهم وشافها قاعده سانده راسها على رجلها
والحارس قاعد بيشرب فى سجائر