فات يوم والتاني والأمور كانت مابينا تمام
في اليوم التالت ..رجعت البيت وانا مبسوطه
وطايرة من الفرح ..لقيته قاعد في الصالة
وكان واضح عليه الحزن اوي
وقالي خلاص نسيتي حبنا
أيه مالك ؟
مش عارفه يعني ؟
لا مش عارفه ..نسيت حبنا يعني ايه ؟
انا مكنتش أتخيل ابدا انك ممكن تعملي كدا
يا حبيبي فهمني ..انا عملت ايه مزعلك اوي كدا
فجأة اتعصب وصوته علي وفضل يزعق
وابتدا يكسر في اي حاجة تيجي قصاده في البيت
طب اهدى بس وفهمني مالك !!
سابني وخرج وقفل الباب وراه
جريت بسرعه عشان الحقه …بس كان أختفى !
حاولت اكلمه على موبايله كان مغلق
استنين يرجع البيت واعرف منه ايه جراله
لكنه مرجعش
يا ربي ع الحيرة اللي انا فيها
هو ماله ..ايه مزعله مني اوي كدا