كنت سرحانه وانا بفكر في اللي بيحصل
وبحاول اقنع نفسي انه مفيش حاجه وكل الأمور بخير
نزلت تحت المايه لثواني ورفعت راسي من تاني
واتفاجأت بيوسف واقف قدامي
كان في أثر صابون على عيني ..صرخت بصوت عالي
ومسحت وشي بالمايه ، ولما فتحت ..
لقيته أختفى !!
ساعتها سمعت صوت باب الشقة اتفتح
وخطوات جايه جري ع الحمام
صوت خبط على الباب. ..
وصوت يوسف بيقول
مالك يا حبيبتي ..انا سمعت صوت صرختك
من ع السلم ..حصلك ايه !
..انتي كويسه طيب ؟
زعقت فيه وقولت
مفيش حاجة
كنت خايفه أخرج من الحمام ..ومش عارفه اعمل ايه
هو انا فعلا شوفته من شوية ولا كان تهيؤات !!