قصة (جوزك المحترم اللى مش بيفوت فرض ومدعى الفضيلة دايما متجوز عليكى ومش بس كده ولادك ليهم اخوات كمان)

عايدة والدة فاتن: بصى يا بنتى لو بالشرع فاللى عمله مش حـrام ابدا هو اتجوز ع سنة الله ورسوله وقدر يعدل ما بينكم ومقصرش فى حق واحدة فيكم وده كويس لكن الغلط انه يخبى ويبقى ليه ولاد وميعرفوش تخيلى حد من ولادك حب اخته وجه يتقدملها

 

واتفاجئ ان عروسته اخته من الاب ولا اتخانقوا مع بعض ونافسوا بعض وهما اخوات انا شايفة ان الضحية بجد هما الولاد لا انتى ولا ضرتك ولا جوزك انا مش بقولك كده عشان تكملى معاه لا ابدا دى حرية اختيارك انتى وطالما انتى هتكونى مرتاحة فى البعد فأنا

 

هكون اول حد جنبك يا حبيبتى
حضنتها اوى ودخلت ع ولادى حضنتهم اوى وبعد حوالى اسبوع لقيت محضر بيسأل عليا
المحضر: فين مدام فاتن ابو الفتوح لو سمحتى يا حاجة
طلعت من ورا امى وقولتله: ايوة انا

 

المحضر: اتفضلى امضيلى هنا انك استلمتى قسيمة طلاقك
ابتسمت بقهر ومضيت بصيت ع القسيمة وجوايا الف شعور انكسار وجع حـzن حرية تحرير من التفكير الزيادة كل حاجة وعكسها
بعد مرور سنة كاملة ابتديت فيها اتعافى من الماضى نزلت قدمت ع شغل بمدرسة والحمدلله وافقوا حياتى بقت عبارة عن شغلى