مش انا اللى اقبل اخد واحد من مراته وعياله
رباب وهى بتطبطب عليها: انا عارفة عشان كده قولتلك احنا الاثنين ضحية عايزاكى تهدى ارجوكى عشان نقدر نواجهه
مسحت دموعى واستغربت من معاملتها ليا اد ايه هى طيبة وحنونة واحدة تانية غيرها كانت جابتنى من شعرى ومسحت بيا البلاط
لكن بالعكس قابلتنى احسن مقابلة واتعاملت معايا بلطف واحترام عملت ليا عصير ليمون بالنعناع وشربته ليا بالعافية وبعدها بحاجة بسيطة لقينا الباب بيتفتح وهشام شافنا قاعدين جنب بعض لكن الغريب ان مبانش ع وشه اى ريأكت صـdـمة بالعكس ابتسم وقال:
السلام عليكم
فاتن ورباب: عليكم السلام ورحمة الله وبركاته … كنت لسه هتكلم لكنه قاطعنى وقال: قبل اى حاجة تسمحولى اتوضى واصلى المغرب فضلا
بالفعل دخل اتوضى وصلى وطلع قعد ع الكرسى اللى قصادنا … فاتن: ممكن افهم ايه اللى بيحصل ليه عملت كده وازاى متعرفنيش
انك متجوز وعندك ولاد ازاى جالك قلب تخدعنى خمس سنين كاملة ازاى ولادى ليهم اخوات وميعرفوش بعض فهمنى ليه عملت كده؟!
هشام بهدوء: اولا ربنا وحده يعلم انى مظلمتش ولا واحدة فيكم وانى عدلت بينكم فى كل حاجة ومعاملتى ليكم انتم الاثنين واحدة