شغل زي ما كنت بتقول واللي ساعدني في كدا صورة كانت ليك معاها قدرت اعمل عليها شوية فوتوشوب عندي في الشركة وطلعت منها صور كتير وانتوا في لحظات كلها رومانسية وحب بصراحة رضوي اتأثرت وشفت دموع عنيها
وهي نازلة ساعتها اطمنت وقلت خلاص ابتدي الشغل يجيب نتيجه استلقاها انا بقي في حضني فضلت اشوه في صورتك وان انت ندل وخاين ومتستهلش واحده طيبة وصايناك بصراحة كانت ناوية تواجهك وانا اقنعتها انها
متقلكش لانك هتنكر وطلبت منها انها تسكت لحد ما تظبطكم مع بعض
زين .. عشان كدا رضوي قعدت متغيرة عليا فترة ومكنتش عارف ايه السبب
حسن .. اديك عرفت
زين .. كمل يا واطي
حسن .. فضلت بقي اشتغل علي عقلها وقلبها هدايا وفسح وكلام حنين وساعدني غيابك كتير لحد ما كانت في مرة تعبانة جدا وتقريبا كانت الام الزايدة واتصلت عليا في نص الليل ورحت اخدتها المستشفي ولحقناها في اخر لحظة