شهد : جينا اهو يماا ” ونزلو علي تحت قعدو علي الطبليه مع العيله فطروو في جو اسري جميل وبدايه يوم سعيد وبعد الفطار كل واحد راح علي شغله والحريم اللي بينضف البيت واللي بيجهز الغدا ”
…………………………………….
” جمال ومروه اتجوزو من 6 شهور ”
” في شقة جمال ”
” مروه كانت في المطبخ بتجهز الفطار وبتكلم امها ”
مروه : يا ماما حاولت معاه كتير كل يوم بقوله يا جمال تعالي نروح لدكتور نشوف سبب تأخر الحمل تعالي نعمل تحاليل يبصلي
ويمشي يقولي انتي عوزاني اروح اقول لدكتور شوفني مبخلفش ليه الحجات دي بتاعة ربنا اقوله عرفهه انها بتاعة ربنا بس مفيش مانع لما نطمن
نجوي : مش مرتاحه لجوزك يا مروه لو هو كويس ومفيش فيه حاجه هيخاف يروح لدكتور ليه
” جمال واقف ورا مروه وسامع كلامها وكلام امها دخل بكل هدوء المطبخ واخد الفون من مروه ”
جمال : ازيك يا حماتي بصي مش هكترر كلام عليكي بس علشان تطمني خالص من نحيتي انا زي الفل وبنتك عندك ممكن تسأليها