تقولى بردو ،، كنت عملت حسابى وحطيت أحمر وأخضر من بتاع البنات .
فقال لها بضيق غاضب : ليه انتى مفكرة نفسك بنت أصلاً ، فقالت له بطريقه مضحكة : ليه يا بيه هوه أنا راجل وبشنب ودقن علشان
تقولى كده .
زفر بغضب قائلا لها بنرفزة : انتى مش بتبصى على نفسك فى المراية ولا إيه فقالت له بعدم فهم : ببص يابيه ساعة ما بغسل وشى بس ،، بس قولى يابيه هوه أنا لازم أبص على نفسى تانى فى المراية .
ترك ذراعها بعنف قائلا للسائق بلهجة آمره : مجدى خلصني وسوق بسرعه أحسن ضغطى قرب يعلى عليه منها .
فقالت له باستخفاف : سلامتك يابيه مين دى اللى هترفعلك ضغطك ؛؛ وانا أربيهالك بالشبشب ؛؛ حدق بها ثم صرخ بالسائق قائلا له :
مجدى أقف هنا بسرعة .
فوقف السائق بناء على أوامره فقال له بحزم : انزل هنا بسرعة وهاتلى بكرة لزق في ثواني .
نزل السائق مسرعاً قائلاً له : حاضر يا بيه