-وبتخبيه ليه يا أختي ..
-عشان محدش يقرأه …وعشان ده خاص بيا ..
ضحكت ورفعت أيدي وقولت :
–متقلقيش أنا عن نفسي بحترم جدا الخصوصية ومش هقراه المشكلة في بابا فضولي شوية ..
-ما عشان كده انا بخبيه!
باك ..
رجعت من شرودي وجريت علي اوضة النوم ..شيلت المفارش وروحت فتحت سوسة حافظة المرتبة بس ملقيتش فيها حاجة ….طلعت الحافظة كلها وانا بفحص المرتبة كويس لفت انتباهي حتة مش متخيطة كويس فتحتها ولقيت الدفتر …
خرجته وفتحته وبدأت اقراه …فجأة حطيت ايدي علي بوقي ودموعي بتنزل ..وقولت:
-أنا كنت وسيلة …كله طلع كد.ب!!!