قومت وقولت بإنفعال :
-بابا ايه اللي انت بتقوله ده …أنا مستحيل اقتـ.ل …انت اكيد بتهزر صح …قول انك بتهزر …
هز رأسه وقال وهو بيقوم من مكانه :
-لا مش بهزر …مش بهزر ..أنا بتكلم بجد …لازم تأخدي حق اختك…لازم تقتـ.ليه…لازم تريحي اختك في تربتها والا تبقي انا.نية ووقتها لا أنتي بنتي ولا اعرفك …
وبعدين سابني ومشي …فضلت اعيط لساعات وأنا حاسة الدنيا اتقفلت في وشي …مش مصدقة أن بابا يطلب مني كده … بابا عايز
يورطني …بدأ كلام احمد يجي لعقلي تاني ….حسيت أن فيه حاجة غلط وقتها افتكرت حاجة …عادة لحورية مستحيل تتخلي عنها أبدا !!!
..فلاش باك ..
-بتعملي ايه ؟!
قولتها لحورية اللي كانت فاتحة سوسة المرتبة بتاعتها وبتحط حاجة فيها …
حطت حورية ايديها علي قلبها وقالت:
-يا ستي خضتيني فيه ايه ..بخبي دفتر مذاكراتي ..