ثريا
لا يا حبيبي ده انا باخد حقي منك انما
انا لازم اخد حقي منهم
سليمان
بجد والله يا ثريا انا ما بقتش فاهملك حاجه على العموم انتي حره انتي واهلك انا ما ليش دعوه
وبعدها دخل الاوضه
ثريا
ما هو انت لو حاسس بالنار اللي جوايا وانا شايفه اهلي على طول بيعاملوا اختي احسن مني
مكنتش هتقول كده
وفي شقتي كنت قاعده ولقيت احمد خارج
يقولي
احمد
اعملي حسابك ان انا سبت الشغل شوفي بقى منين لحد ما الاقي شغل ثاني وبعدها
قومت وقفت وقولت
ليلي
يا خرابي يا احمد ده انت لسه نازل الشغل ده ما بقالكش كام يوم لحقت تسيبه طب هنصرف منين دلوقتي
احمد
هنصرف من ابوكي ما هو على قلبه فلوس قد كده ما بيعملش بيها حاجه
ليلي
والله بجد انا بقيت مكسوفه منهم قوي انت مش شايف اللي هما بيعملوا معانا