بنات الدار كانوا واقفين باصين ليهم وفرحانين
بعد ضياع عنهم وقعد هو ورنا قدام الدار جت المديرة كانت مبسوطه هي وشايفه البنات فرحانين وبياخدوا اللِ عايزينه
رنا لمحت بنت ضامه رجليها وقاعده بعيد عن الهيصه دي كلها قامت رنا من جمبه: ثواني وراجعه
قربت من البنت ونزلت على ركبتها في الارض: يا جميله
البنت ضمت رجلها اكتر كانت دموعها بتنزل من على ايدها
رنا مسكت لعبتها اللِ كانت جمبها: قوليلي يا عروسه ليه صحبتك مش بتتكلم طيب أنتِ اسمك ايه
البنت رفعت وشها اللِ اشع نور كان بشرتها بيضاء جدًا ورموشها ابيض وحواجبها شعله وشعرها اشقر وعيونها السوداء الجميله وقالت: بس دي لعبه مش بتتكلم
رنا بتعجب من جمالها: اللهم بارك، ماشاء الله اللهم بارك