سهيله.بتنهيده….بصي أنا هقولك على المفيد إنتي عديتي التلاتين سنه وأنا وأنا عندي تلاتين كان معايا ٣عيال
يعني إنتي مش صغيره ويا عالم لو اتجوزتي هتخلفي ولا لأ
وطبعاً ملاحظه إن كل اصحابك بيخففو علاقتهم بيكي علشان كل واحدة خايفه على جوزها منك
وكمان إنتي قاعده في الدور إللي تحت دا كله لوحدك واخواتك عايزين يبيعو البيت وكل واحد يكون ليه بيت لوحده …بس مستنين إنك
تتجوزي علشان يعرفوا يبيعوه
وزي ما إنتي شايفه محدش دق على بابك غير ده….يبقي
توافقي وتحمدي ربنا إنه جالك قبل ما تشيلي الرحم. يمكن تلحقي تخلفي حتة عيل….ومتفكريش في مراته فكري في نفسك وبس…
وبعدين الراجل مش هيعمل حاجه عيب ولا حـrام…دا هيتجوز على سنة الله ورسوله
أنا قولت اقولك الكلمتين دول يمكن يعقلوكي بدل ما إنتي مش عارفه مصلحتك كده… أنا ماشيه