زهره اول ما علي قال كده للبنت ابتسمت وبصت لعلي نظره مختلفه وقتها عجبتها اوي الحركه دي منه .
البنت طلعت وشتورتلهم من البلكونه وعلي اول ما شافها حرك العربيه ومشي
عمار نزل ومعاه شمس علي صوت المنشاوى وهو بيزعق مع يزن
وكلهم اتجمعوا مره تانيه
المنشاوى من طبيعته انه عصبي جدا ومابيعرفش يتفاهم سلطته ومكانته اللي هو فيها بتخليه يؤمر واللي قدامه ينفذ وبس
المنشاوى اول ما شاف عمار
المنشاوى : ( بص لعمار وهو متنرفز ) اخيرا اتكرمت ونزلت
عمار : ارجوك اهدى شويه
المنشاوى : اهدى .. اهدى ايه .. انت من شويه كنت هتقتلني وتقولي اهدى
عمار : انا مكنتش في وعيي
المنشاوى : واي اللي يخلينا نتحمل واحد زيك ممكن يفقد السيطره علي نفسه في اي وقت .. احنا حتى ما نعرفش انت ايه جنسك ايه مانعرفش عنك اي شىء
بقلمي ماهي احمد