جريح وهو يهز رأسه بإيجاب: معاكي حق
نرمين بصدمة: ي نهارك أبيض معايا حق!! دا بدال م تقولي إنتي أعظم اختياراتي وإن مفيش صح من بعدي!!
جريح بملل: سلميلي على النكد
سكتت نرمين بغيظ وكملو لف لحد م اختارو فستان نرمين حسته زي م قالت ل جريح
في يوم نزل جريح يحجز الأكل والمشروبات اللي هتتقدم في الفرح، كلم نرمين واتس ياخد رأيها لكن لقاها بعتاله رسايل بتقول فيها:
أنا مش مرتاحة وحاسة إني اتسرعت، ف معلش خليني أخد وقتي، أنا مش عايزة أكمل، والفرح ممكن يتلغي عادي، ربنا يوفقك، مع السلامة
جريح كتب بلامبالاة: طيب ماشي ردي بس دلوقتي عشان واقف مع الراجل، أخلي الأكل رز مع كفتة ولا فراخ؟!
مردتش ف كتبلها ا.
جريح بنفاذ صبر: ي حبيبتي انجزي ردي وهلغي الفرح حاضر
نرمين بلامبالاة مصطنعة: كفتة، أنا مش قادرة أثق فيك بصراحة، تعرف كام بنت غيري ي جريح؟! حلوين كلهم ولا فيهم حد مش حلو؟!