قلبه تخلع عشان زعلت فضل واقف قدام البيت شويا بعدها مشي استنى تاني يوم بفارغ الصبر ليه حاسس الوقت ما بمشيش
وقبل معاده كان في المستشفى وقف في الممر قبل البوفيه لكنها ما جاتش ايه اللي بيحصل ليه حاسس انه تايه
مراد بضياع : اعمل ايه طيب يا ربي
راح قدام بيتها وقابل البواب
_ افندم؟؟
مراد برجاء: لو سمحت في بنت ساكنة فوق اسمها سلمى دلوقتي هيا نسيت المفتاح معها وانا مش عارف اوصل ليها ومش حلوة اطلع لها مش عايز اعملها مشاكل ممكن تندهها ضروري
_ اممم ماشي
مراد : انت قولها ابن عمتك عايزك تحت ضروري
راحلها ونزلت وهيا فاكراه ابن عمتها اول ما شافته كانت حتطلع تاني مسك ايدها بسرعة وقال برجاء ” اسمعيني يا سلمى بلاش حركات العيال دي
سلمى : حتسيب ايدي ولا اصوت وألم الناس
مراد : لميهم ولا يفرق بس تفهمي والله ما اقصد اتصدق سلمى انت حد مهم اوي عندي اوي ففكرة انك ساكنة لوحدك قلقتني انا اسف والله اسف مش حتتكرر ويا ستي حاخد منك فلوس مش حعطيكي بس بلاش تروحي