لوزة .. ايوة يابا
حجازي .. فين يا بت الورقة اللي اديتهالك تلعبي بيها امبارح
لوزة .. ورقة !!
حجازي .. ايوة الورقة يا بت الكلب اللي طلعتها من الكيس الاسود مع مفرش السرير
لوزة تخرج ورقة ممزقة من جيب البنطلون الذي ترتديه
لوزة .. اهه
حجازي يمسك بالورقة .. انتي قطعتيها يا بت الكلب !! معلش يا دكتورة البت قطعت الورقة ومش فاضل غير الحته دي
شيماء تمسك بجزء الورقة وتقرأ ما فيها .. اقر انا مدحت بأن زوجتي شيماء …
شيماء .. زوجتي شيماء ايه ؟!!
شيماء تتذكر شيئا ما ثم تقول بلهفة وتوتر .. انا عاوزة باقي الورقة دي ضروري .. فين باقي الورقة دي ؟؟
ثم تنزل الي لوزة وتخاطبها بكل لين .. لوزة يا حبيبتي قوليلي باقي الورقة دي فين وانا هاجيبلك هدية كبيرة اوي
لوزة .. بجد يا طنط ؟! طب انا عاوزة طيارة