ادهم : قبل ما نمشي ونرجع لاصلنا يكون الموضوع ده منتهي
سامح: حاضر هينتهي
—————————-
( تاني يوم في الجامعه )
سامح لبس نضارته الكعب كوبايه ورجع شعره لورا ولزقه جنب بعض وقفل القميص لحد اخر زرار
هو بيعمل كده عشان مايلفتش النظر لي
وراح الجامعه البنت اول ما شافته جريت عليه
صاحبتها : صولا استني بس رايحه فين
صولا : استني انتي بقولك أنقذني من الموت انتي مش مصدقه ليه
صولا : هاي ازيك ( ومدت ايدها لي )
سامح ممدش ايده ووقع الكتب من ايديه متعمد
سامح : اهلا بيكي
صولا نزلت ايدها
صولا : متشكره جدا علي اللي عملته معايا امبارح
سامح : انا .. انا عملت اي مش فاهم
صولا: انت انقذتني امبارح انت ناسي ولا ايه