ادهم : بتحبيني
انا : مالك يا ادهم في ايه اكيد طبعا بحبك وانا لو مكنتش بحبك كنت خلفت منك سامح وسمير دوول دلوقتي في الجامعه ما شاء الله عليهم
ادهم : عمرك حسيتي بفرق ما بينا في يوم
انا : فرق ما بينا ازاي مش فاهمه
ادهم : في المعامله في الكلام
انا : انا مابقيتش فاهمه حاجه
ادهم : طول العشرين سنه اللي فاتت وانا عايش معاكي علي اني انسان اطردت من عشيرتي لما عرفوا اني حبيتك ياانسيه بس انا دلوقتي لازم ارجع ومافيش حل تاني غير انك تيجي معايا
انا : اي الهزار البايخ ده يا ادهم انت بتقول اي
ادهم: انا سيفرائيل ابن ملك الجان ولازم ارجع بولادي لعشيرتي عشان دخلنا حـrب كبيره ولازم اقف جنبهم ودلوقتي جه وقت الاختيار ياتيجي معايا ومع اولادك تحت الارض ياتفضلي هنا وحيده ومش معاكي حد
——————–في الجامعه ————————————
سمير : انت يابني لسه برضوا بتبحلق فيها وبتبصلها مش ناوي ابدا تتحرك وتكلمها
سامح : سيبني دلوقتي ياسمير انا مش ناقصك خالص دلوقتي
سمير : هتفضل طول عمرك خيبه كده