كنت بفتش في تليفون اختي الي ماتت من اسبوع بعد ما قدرت اوصل للرقم السري والي كان تاريخ ميلادي كنت بحب ندي اختي جدا لكن مكنتش متخيله انها بتحبني لدرجة تخلي تاريخ ميلادي،. الرمز السري لتليفونها.

 

كل الذكريات دي خلتني ابكي وانا بتفرج علي صور ندي، وسط الصور كانت فيه صوره بشعه

صوره مغبشه لوش مرعب زي الشبح، كان وش رجل أسنانه بارزه بتنز دـm، ماسك في ايده سلسله مولعه نار

 

 

عديت الصوره بسرعه لاني مش بحب الصور دي وبخاف منها، صور تانيه لندى وصاحباتها، ماما، بابا، وصوره كبيره لي انا واقفه قدام المرايا، مش فاكره ندي خدت الصوره دي امتي بس الصوره كانت واضحه جدا.

 

 

فتشت اكتر في الصور، بعد شويه لقيت صوره لظهر شخص، كانت مغبشه زي الصوره الي شفتها في الأول

 

 

 

فكرت ندي حملت الصوره دي من اي موقع؟

وايه شغفها في الصوره المرعبه دي؟

بصيت في الصوره اكتر هنا اترعبت اكتر ورميت التليفون على السرير