بس المأمور الجديد بقا, حط قوانين جديدة صعبة, مبقتش عارفة اعدي حباية برشام واحدة لأي زنزانة, الستات في السجن بقوا بيبصولي على اني خلاص وقعت, هيبتي وقعت, البنات مبقتش تخاف مني ولا تحترمني, خلاص المصلحة راحت..
Thank you for reading this post, don't forget to subscribe!وولع قلبي من ناحية المأمور, ولع نار, مبقتش عارفة أعمل ايه, والعساكر محدش فيهم قبل يدخلي برشام للسجن, المأمور لو بس مسك واحد منهم بيعمل كدا هيحوله لمحاكمة ياخد فيها اعدام من شدته وقسوته..
وفي ليلة لقيت واحدة من البنات المساجين واقفة بتبص لعسكري على البرج واقف خدمة, نظرات عينيها كانت كلها شهوة, وهو كان باصص لها بصة تمني, وبدأ ابليس يشتغل في دماغي,.
مسكت البت ودتها الانفرادي كعقاب, وبدأت العب في دماغها, طالما انتي عاوزة الواد فانا موافقة اخليكي تجتمعي معاه, البنت مكنتش مصدقة, هي اصلا تهمتها أداب, وحياتها من غير رجالة عاملة زي الجحيم..
تعمدت بعدها استفرد بالعسكري في وقت راحته, وبدأت اتكلم معاه بهدوء: