ناس لابسة اسود وعندهم قرون زي الحيوانات, كنت شايفاهم في شريط الفيديو بوضوح شديد, بدأ قلبي يدق بعنف وجسمي يترعش مرة واتنين, ووسط كل ده سمعت صوت لوسي برة في الصالة بتموء بصوت بشع, مُخيف, وكأنها بتموت برة, .
Thank you for reading this post, don't forget to subscribe!سبت الجهاز وطلعت أجري لقتها واقفة منتصبة في نص الصالة وبتبص بنفس نظرة الرعب ناحية الحمام اللي كان مُظلم تماما, معرفش ليه وقتها رجلي خانتني وكنت هقع, خاصةً إن عيون لوسي كانت بتتموج زي موج البحر وبيتغير لونها بطريقة غريبة..
قربت من باب الحمام وبدأت تموء من تاني وكأنها بتحظرني, ومسافة ما وقفت قدام باب الحمام سمعت صوتي من جوة, وكأني كنت بغني جوة الحمام وفيه معازف وموسيقى كتير أوي, .
سندت على الحيطة لأني كنت هقع من تاني, مديت إيدي ناحية باب الحمام لقيت لوسي بتموء أكتر, وبكل رعب الدنيا فتحت الباب, وشوفت مقبرة جوة الحمام, وانا واقفة فوق المقبرة عريانة بغني ومن حوليا العشرات من الظلال السودة بيطوفوا من حوليا..