هي كانت بتشتكيلي من معاملة خالاتها وبناتهم اصلا بس مكنتش متخيل انهم بالقساوة دي كانوا بيجيوا زي الناس الغريبة ويمشوا
وخدتها من المستشفى على شقتي.
وشيلتها السلم كله لحد باب الشقة ودخلت حميتها اول ما جبتها من المستشفى وخرجت أجهزلها الأكل وبقيت أخدمها وأأكلها وأهتم بيها وأمي كانت أوقات بتيجي تقعد معانا وتطبطب عليها وتسرحلها شعرها وتلبسها وتاخدها تنيمها في حضنها وتطلب تحميها بس قولتلها انا حميتها .
وهي حالتها صعبة جدا هي شبه مش حاسة بحاجة صامته مبتتكلمش بأي حرف بتقوم من النوم عندها هيستريا عياط تنده على أمها وأخوها وتدعي على نفسها تروحلهم لدرجة ان امي كانت بتنهار من العياط عليها وتعمل الأكل فى شقتنا وتبعت لبابا بس أمي مكنتش بتبات معانا .
ف كنت باخدها في حضني لما تعيط وكمان ادوني في المستشفى حقن ومهدئات عشان لو جتلها الحالة دي تنام
وكنت بعمل كده فعلا وكتبت على الفيس انه تم الزواج من فلانة عشان اعمل الاشهار وان احنا معملناش فرح وبدأت الزيارات وبدأوا اهلي يجولب مكنوش عارفين يباركوا ولا يعزوا 💔.
وأمي اللى كانت بتستقبل كل الناس بصراحة هي مكنتش بتقابل حتى حد انه يعزيها لان تقريبا كل اما بتصحى بنيمها لانها مش بتبطل عياط
وفيهم ناس كانوا بيجوا زعلانين ويفتكروا اني عملت فرح ومعزمتهمش و انا مش عارف اتصرفت صح ولا غلط.
بس دي مراتي وانا كاتب كتابها ومهانش عليا أرميها عند أي حد كده مطلبش هو من نفسه أو أرجعها بيت أهلها تعيش فيه لوحدها وتنهار من العياط
أرجو الافادة ياريت اللي فاهم فى حاجات زي كده هو بس اللى يرد
سؤالي هل اللي أنا عملته ده فيه اى حرمانية يعني
انا مش بتفضل عليها وعارف ان ده واجب عليا بس بفهم يا جماعة هل ده صح ولا غلط علشان خايف من كلام الناس