كنت متضايق جدا ان حماتى هتسيب بيتها وتيجى تقعد عندنا

نزلت معاه ، روحنا القهوة اللي قدام البيت ، كانت شبه فاضية بالنهار
– ها يا كريلس ، حاجة ايه اللي هتوريهالي
= بص يا محمد ، انا كنت شغال في امريكا في الصحافة ، كنت بكتب في مجلة روحانية كدا اسمها the souls world ، مجلة الكترونية بتتنشر على النت ..

Thank you for reading this post, don't forget to subscribe!

وكنت عامل تقرير صحفي عن جماعة من بتوع عبادة الشيطان اللي كلمتك عنهم دول ، فيه مجموعة انتحروا انتـhار جماعي وسط طقوس غريبة كدا عشان يوهبوا روحهم للشيطان ، والجلسة دي كلها كانت متصورة فيديو وانا يومها نشرت الفيديو مع الخبر ..

ضمن الجماعة اللي انتحروا دول اتنين مصريين ، ام وبنتها ..
شوف كدا الصورة دي يا محمد ، دي صورة البنت وأمها ، البنت دي هي اللي فتحتلي الباب لما جيت عندك البيت .. هي كمان ميتة ..
= مش ممكن ، دي مراتي وحماتي