رواية خيانة كاملة

وقالى بتكلمى مين رديت وبضحكه سخريه بس على قد ما اقدر بدارى قولت إلهام

Thank you for reading this post, don't forget to subscribe!

لاقيته ارتبك ومن ارتباكه التليفون وقع منه على الأرض

قفل معاها وهو دخل الحمام يتشطف علشان نتغدى

بفتح التليفون لاقيت الهانم بتتصل بيه فتحت عليها

هى افتكرت هو اللى هيرد لاقيتها بتقول وحشتنى يا حبيبى

اتقهرت وحسيت روحى بتسحب منى ونفسى ضاق ومش قادره اتنفس وقولت فى سرى انتى إلهام

ده انا مخلفتش يمكن انا اكبر منك بكام سنه بس بعاملك زى بنتى

وتمالكت نفسى علشان مياخدش باله

وسبت التليفون على السفره خرج يجرى على التليفون البيه

على راسه بطحه قام فتحه وشاف انها اتصلت سالنى حد اتصل قولت الهام

قالى هى بتكلم عندى ليه خير وكان مرتبك جدا

قولت لما انت خرجت من الغرفه كنت بتكلم معاها وقفلت ما انت عارف انها كانت جايه تتغدى معانا بس قالت بعد بكره وانا فى سرى بقول ليه مكنش النهارده ليه يا خاينه

وعمل نفسه مش شايف انى رديت وهو رايح يقعد على السفره وانا داخله المطبخ قلتلوا وبصوت عالى ومسمع لآخر الطرقه

احمد اتصل بإلهام قولها لما فتحت عليها معلش حبيبتى التليفون وقع منى وفصل مسمعتش قولتى ايه وياريت تأكد عليها

الميعاد رد وهو منشكح حاضر يا عمرى لاقيته جرى زى العيال

ومسك التليفون وبيتصل بيها وسمعته بنفسى اتصل قالها

عمرى انا حبيبى تعالى بقى وحشانى

نفس كلامه ليه الخاين الكلب

خرجت من المطبخ الاكل فى ايدى بكل برود تعالى امسك الأطباق دى راح استأذن منها وقفل

وحطيت الاكل وهو بياكل مكنتش طيقاه

خلصنا أكل وقام دخل المكتب بتاعه وانا مصدقت روحت جبت التليفون واتصلت بالصيدلية وطلبت منها منوم قوى كان الدكتور كاتبه ليه لان بسبب الحمل وأسباب عدم الخلفه اتعالجت علاج نفسى وكنت باخد منوم

والدكتور طبعا عارفنى وده اول الخطه المنوم

علشان اققفشهم لازم خطه محكمه لانه محامى عقر

بس على مين أن كيدهن عظيم

عاوزين تعرفوا مسار إلهام وجوزى الخاين أحمد انا هشربهم من العذاب الوان

والخطه

ج3