لما حطيت ايدي عليها ، جسمها متلج بطريقة مش مفهومة ، بس مش دا الي شاغلني دلوقتي ، انا عاوز
اعرف ليه مش عوزاني ادخل المطبخ..
– بقولك متدخلش
المرادي وهي بتقولها كانت لازقة في ضهري بالظبط وصوتها جنب ودني وكله حدة وعصبية وفيه بحة غريبة
.. اتصدمت من الطريقة الي بتتكلم بيها ولفيت ضهري لقيت عينيها كلها شرار ، بلعت ريقي وقولتلها
– هدخل .. هدخل غصب عنك واشوف انتي مخبية ايه جوا .. وايه الي كنتي جيباه في الكيس الي في ايديكي داه..
قولت الكلام داه ودخلت المطبخ بصيت على الرخامه عشان اشوف الكيس الاسود الي كان في ايديها مفروش
ومحطوط عليه اعضاء بشرية متقطـ..عة و الدم بينقط من طرف الرخامه نازل على الأرض وجنبهم سكـ..ينة
كلها دـm .. افتكرت لما دخلت عليها المطبخ اول لما جت من بره وهي مدياني ضهرها وبتطلع حاجات من
الكيس ، ايوة كانت بتقطـ..ع الجثـ..ة
عيني وسعت على اخرها ومقدرتش انطق زي ما يكون
لساني اتشـ..ل، قربت من الاعضاء ديه الي من الواضح انها لواحدة ست شعرها كان مغطي وشها المقطـ..وع