اتوترت من سؤالها المفاجئ، ورديت بسرعة:
“أكيد بيحبني.”
سكتت لحظة… وبعدين بصت لي بابتسامة خبيثة وقالت:
“يعني هو دلوقتي مش سهران مع مراته؟”
جسمي اتجمد.
مراته؟!!
ضحكت بسخرية وقالت:
“هو مش قالك إنه لسه بيحبك؟”
حسيت برجلي بتتسمر في الأرض، عيوني فتحت على آخرها، وأنا بنطق بصدمة:
“مراته مين يا بنتي؟!!”
لكن قبل ما ترد، سمعت صوت ضحكة مرعبة…
مش ضحكة بنت… لا…
ضحكة راجل… وصوت أنفاسه كان قريب جدًا مني
كانت غريبة… مش طبيعية… كأنها خارجة من بطن الأرض نفسها!
حسيت بأنفاس حارة بتلفح رقبتي من ورا، كأن حد واقف ورايا بالضبط وبيتنفس
اتسمرت مكاني، عيوني وسعت، وكنت هصرخ…
لكن البنت اللي جنبي مسكت إيدي فجأة!