__ ويدوب قعدت على السرير ولقيت لاب شغال عليه كارثه فيديو وانا فيه والفيديو ده انا فاكراه وعارفاه كويس بس مش نفس الفيديو ولا طريقة التصوير، تنحت وحسيت انى اتشليت مكانى لأنى عارفه ان الفيديو ممكن يكون سبب خراب بيتى بس متأكده من حب محسن ليه وان فى حاجه غلط ولسه بحاول أفهمه وقبل ما اتكلم قرب من الاب وركز وشاف الفيديو وقالى: مين دى ي صدفه؟! وبزعيق: انطقى يا هانم مين دى رديت عليه وانا برتعش: دى انا ي محسن
محسن بزعيييق: ما انا عارف ان انتى،تقدرى تقوليلى اي اللى انا شايفه ده
وقرب منى ولقيت عينه احمرت وبطق شرار وشكله اتغير مش ده محسن اللى اعرفه وشدنى من رقبتى وكأنه هيخ0نقنى
لدرجه حسيت انى مش قادره اتنفس
زقيت ايده وانا بقولوا انت فاهم غلط وكملت كلامى وانا منهاره: ما انت عارف ان كنت مخطوبه لزميلي في الجامعه
محسن بسخريه: هههه واللى مخطوبة دي،
تحضن راجل وهى بتبوسو بالمنظر ده
وكمان عامله معاه فيديو للذكرى ي محترمه
(وهنا ابتدى صوته يعلى عليه ويتهمنى
بحاجات غريبه لأول مره اسمعها منه
حسيت ان مش ده محسن اللى حبيته)
كان بيزعق وصوته زى الحلم فى ودانى وكان كل تفكيرى فى حاجه واحده بس وهى ان الفيديو
كان على التليفون… ازاى وصل للاب محسن
والتليفون اصلا اتسرق من عتاب
وكمان الفيديو مكانش بالمنظر ده الفيديو
فى حاجه غلط
وفجأه سمعنا خبط ورزع على الباب
محسن بارتباك: دى اكيد ماما
وجرى وفتح الباب لقيت حماتى داخله عليه ووشها باين عليه
الخض.ه وطبعا كانت بتمثل وسألتنا: في اي مالكم؟
وبصت لمحسن: انت بتزعق ليه ي حبيبى
رد بارتبا.ك: مفيش حاجه ي ماما
حطت ايدها فى جمبها وزغرتلى بعينها وقالت:
ما تقوليلى انتى ي ست صدفه فى اي؟
محسن: مفيش حاجة
صدفه بزعيييق: لأ فيه، ماما لازم تعرف كل حاجه
وخدت الاب وفر.جتها على الفيديو
الحماة بذهول: اي ده مين اللى انتى فى حضنه ده ي صدفه
صدفه: ده خطيبي القديم وحضرتك عارفه انى كنت مخطوبه قبل كده والموضوع اتفشكل وكل واحد فينا راح لحاله
الحماة: ايوه ما احنا عارفين انك كنتي مخطوبه
بس مش ناي/مه فى حضن راجل تانى
صدفه مسكت دماغها وبزعيييق: الفيديو ده متفبرك والله متفبرك وقربت من محسن وقالت
احمد كان واخد شاظيا فى الجيش وكان بيموت ولما خف ورجع كويس اتصل بيا
وانا اخدته بالحضن وبو/ست راسه زى ما انت شايف وبارتباك وببببعدين الفيديو كانت واقفه جنبنا بنت خالتى وصاحبتى هى اللى صورت الفيديو للذكرى
وخدت الاب وشاورت علية: شايف بنت خالتى محذ.وفه والفوتوشوب مغطى ج.سمها وو.شها ازاى؟
الحماة قربت من محسن وابتدت تملى ودانه بالكلام وقالت بشويش: اه هى كانت مخطوبه بس غلط اللى عملتو وبعدين كان باين عليها انه بتحبه اوى لدرجه انها محذفتش الفيديو
(محسن بينفخ بغضب)
صدفه: اللى مجننى ان الفيديو كان فى التليفون اللى ضاع من عتاب، اي بس اللى جابه على لاب! اللى عمل كده قاصد يخر.ب بيتى
لقيت حماتى قربت منى وقالت: نعم مالها عتاب
ي ست صدفه ولقيتها اتحولت عليه
صدفه: مش التليفون اتسرق منها اكيد اللى سرقه هو اللى فبرك الفيديو ده اللى اقصده مش اكتر والله
وهنا لقيت حماتى انكرت ان التليفون اتسرق
اتصد£مت ولسانى اتكتف وفى نفسها ( حماتى بتكذب ليه) قربت منها وحاولت افكرها ولسه بحكى عن اللى حصل قاطعت كلامى بزعقها وصوتها العالى وهى بتكذب/نى وتقول: محصلش ي محسن
هى اه كانت عندنا يوم عيد الام وادتنى سلسلة
مامتها الدهب هديه وبتمسك رقبتها: شهقت
بخضه وقالت: الظاهر كده ان السلسله وقعت منى فالقاعه يادى المصيبه، هى الليله باينه من اولها
وفضلت احلف ان الفون اتسرق من عتاب
لأنى حكيت لمحسن ولازم يعرف انى مش كذ.ابه
لقيت حماتى فجأتنى انا وهو
وخدت الاب وكسرته على ميت حته
انا وهو وقفنا مذهولين قصادها وهى بتكسره
وسابتنا مولعين نار وخرجت
وطبعا محسن بكس/رها للاب شاف امه وقدوته
ملاك لأنها بكده بتمنع خراب البيت
اما بالنسبه ليا كل اللى حصل للأسف هز ثقته فيا وده اللى كسر قلبي ان محسن اللى حبيته واللى كان بيتمنالى الرضا ارضى هو نفسه الشخص اللى اتهز مع أول مشكله قابلتنا