وتمر دقيقتين تكون فيهما هند مسلوبة الارادة تماما لاتدري هل هي مستيقظة ام نائمة وفجأة يعود التيار الكهربائي وتضئ الشقة .. هند مرتجفة تنظر الي نفسها فتجد ملابسها كما هي علي جسدها وتنظر الي الاشياء حولها تراها كما هي الصور معلقة علي الحائط وكل شئ موجود في مكانه والنوافذ مغلقة فتعجب ما الذي حدث لها انها تشعر بالم شديد من اسفل … تنظر الي مكان الالم فتصاب بالذعر ترتجف اطرافها وقلبها ينبض بشدة .. تسعر بأنه يكاد يتوقف من سرعته وقوة ضرباته .. تمسك الموبيل وتتصل بأختها ياسمين ثم تقول لها بصوت حزين مرتعش
هند .. ياسمين الحقيني .. انا أُغتصبت ياسمين .. ايه اللي انتي بتقوليه ده ؟!! هو في حد هجم ع الشقة واتعرضلك؟!!
هند .. ايوا واغتصبني كمان !!
ياسمين .. مين دا ؟!!
هند .. شبح .. مشفتوش !!
ياسمين .. شبح ازاي يعني ؟!! انا مش فاهمه حاجة انا جايالك حالا
وتعود ياسمين مسرعة الي الشقة لتجد هند في حالة انـhيار عصبي شديد
ياسمين .. فهميني ايه اللي حصل ؟!!
وتقص عليها هند ما حدث
ياسمين .. غريبة !! طب انتي ليه بتقولي اغتصبني ؟!!
هند .. لأن دا اللي حصل
ياسمين .. ايوا عرفتي ازاي ؟!!
هند .. يعني ايه عرفت ازاي ؟!! افهمي انتي بقي !!
ياسمين .. انا مش مصدقة الكلام دا !! مش معقول الكلام اللي بتقوليه دا !!هند .. يا سلام !! ما هو زي اللي حصل معاكي بالظبط لما النور انطفي وانتي في الحمام وفضلت تندهي ومسمعتكيش ووقعتي وغبتي عن الوعي والخرابيش اللي كانت في جسمك واختفت !! ولا انتي عايزاني اصدقك بس وانتي مش عايزة تصدقيني ؟!!
ياسمين .. يبقي كدا البيت فعلا مسكون
هند .. في شبح في البيت دا بيغتصبنا يا ياسمين
ياسمين .. ايه ؟!!
هند .. ايوا .. وهو اللي اغتصب رباب ومن قبلها مني عشان كدا حملوا من غير ما يعرفوا واهو اغتصبني انا كمان ومش بعيد يكون اغتصبك في الحمام!!
ياسمين .. ايه !! اغتصبني ؟!! بينا بسرعة علي الدكتورة ابتسام
وتذهب هند وياسمين الي الدكتورة ابتسام والتي تقوم بفحصهم
ابتسام تغيرت معالم وجهها ويبدوا عليها الحزن .. انتي متأكدة يا هند من الكلام اللي انتي بتقوليه دا ؟!!
هند .. كلام ايه ؟!!
ابتسام .. ان في شبح ظهرلك في الشقة واعتدي عليكي ؟!!
هند .. ايوا هو دا اللي حصل بالظبط
ابتسام .. اولا دا كلام خرافات واخره تتفرجي عليه في فيلم رعب
هند .. انا مش كدابه يا دكتوره
ابتسام .. وانا مش هصدق غير كلام العلم اللي بيقول ان في معاشرة جنسية تمت بينك وبين آدمي نتج عنها فقدان غشاء البكاره وفي كمان آثار من المعاشرة دي في الجهاز التناسلي
هند .. مش معقول ؟!!
ابتسام .. بس دي الحقيقة اللي انا شايفاها دلوقتي
ياسمين .. وانا اخباري ايه؟!!
ابتسام .. انتي زي الفل يا ياسمين لسة عذراء لكن هند للأسف فقدت عذريتها انهاردة .. انا بصراحة محرجة وحزينة .. ازاي سمحتي لنفسك تعملي كدا ؟!! مين الانسان اللي بلا اخلاق ولا ضمير عشانيقبل انه يغويكي وانتي ازاي تسلمي نفسك ليه بالسهوله دي ؟!! ولا انتي متجوزة عرفي مثلا ؟! قوليلي يا بنتي صارحيني بالحقيقة جايز اساعدك
هند .. انا لا متجوزة ولا زفت ولا اعرف حد من اساسه !! انا بقلك في شبح دخل الشقة وهو اللي عمل فيا كدا
ابتسام .. خسaرة بجد !، هو ايه اللي جري لكم انتي واخواتك البنات ؟!! ازاي بينضحك عليكم بالسهوله دي ؟!! الله يكون في عون ابوكم بجد
هند .. انتي بتقولي ايه ؟!! انتي مش عايزه تصدقي ليه .. وانتي كمان هتبصيلي !! ( تقصد ياسمين ) بلاش بصتك دي اللي كلها اتهامات .. فاهمه ؟!! ثم تتركهم وتنصرف مسرعة
ابتسام .. الحقيها يا بنتي ل تعمل في نفسها حاجة زي رباب
ياسمين تلحق ب هند ولكن عندما عادت الي المنزل لم تجدها ووجدت شئ صادم ؟؟؟ياسمين تدخل الي الشقة تبحث عن هند في كل مكان لا تجدها
ياسمين .. هند ؟ هند .. انتي فين يا هند ؟!! معقول متكنش رجعت البيت ؟!! بس دي داخلة قدامي العمارة !! وفجأة يظهر لها فريد فترتجف من الخوف
ياسمين .يا اخي خضيتني !! انت دخلت هنا ازاي ؟!! اوعي تقلي رنيت الجرس وانتي فتحتي الباب ولا تقلي اصل انتي سبتي الباب مفتوح وانا دخلت وراكي علطول ؟!!
فريد .. لا دي ولا دي .. انا هنا اصلا من دقيقتين بس كنت في الحمام
ياسمين .. ومين فتحلك الباب ؟!!